"Perlas ng Silanganan", isang tulang malaya tungkol sa Pilipinas

Perlas ng Silanganan

O aking Pilipinas,
Bansa kong minamahal
May iba’t iba ka mang kapuluan
Kitang-kita pa rin ang angkin mong kagandahan
Ngunit ano na ang nangyari sa Perlas ng Silangan

Nagkukumpulan sa Luzon
Naiiwan ang Visayas
At patuloy ang giyera doon sa Mindanao
Ang magiliw dati na bayan ay parang nalulusaw
Tayo na lang ang pag-asa ng bayan nating minamahal

Wari ko’y tayo ay natumba
Kaya’t magtulungan tayo at itayo ang isa’t isa
Marahil ang iba’y nawalan ng pag-asa
Ang tingin nila sa lupang hinirang ay di na kaaya-aya
Ngunit kung pagmamasdan lang ito’y may angking ganda

Itaas natin ang asul,
Huwag ang kulay na pula
Magsilbi tayong araw na magbibigay liwanag sa iba
Patuloy nating paningningin ang mga bituin niya
Ating iangat ang ating watawat at ipagmalaki ‘to sa iba


Mga Komento

Mag-post ng isang Komento

Mga sikat na post sa blog na ito

"Tagumpay", isang tulang tugma tungkol sa pangarap

Tagumpay Ano nga ba ang pangarap ko sa buhay Marahil ito ay maging matagumpay Di sigurado sa daang tatahakin Ngunit isa lamang ang aking mithiin Ang pag-aaral ay sisiguraduhin Pagiging estudaynte’y aking tungkulin Sa pag-aaral ay hindi magkukulang Pagmamalaki ‘to sa aking magulang Gagawin lahat ng aking makakaya Magulang ko lang ay aking mapasaya Magsisilbing katuwang nila sa bukas At mapanghuhugutan nila ng lakas Ito ang isa sa maraming pangarap Kahit na ito man ay napakahirap Patuloy pa rin akong magsusumikap Hanggang sa makamit ang aking pangarap
Magbasa nang higit pa

"Bukang-liwayway", isang tulang tugma tungkol sa isyung panlipunan

Bukang-liwayway Marami ang problema ng ating bansa Na kung saan tayo rin ang nagdurusa Nag-aaway tayo parang aso’t pusa Kaakibat nito’y masamang resulta Isyu sa droga ang aking uunahin Pagiging galak ang kanilang hangarin Ngunit kasalungat nito ang epekto Imbis na galak sila’y naaaresto Walang habas na pagpatay ang kasunod Patay dito, patay don, saanmang lungsod Pero bakit kaylangang may mamamatay Patunay ba talaga ‘to ng tagumpay? Hindi mawawala ang isyung korapsyon Tila isa itong malaking polusyon Bakit ninanakaw ang kaban ng bayan Talaga bang ito na’y kinasanayan Simple lang naman ang sagot sa problema Kailangan lang natin ng disiplina Wag na wag tayong mawalan ng pag-asa Sisikat din muli ang bagong umaga Bumalik sa Kalipulan ng mga Tula (Mga Malikhaing Kamay)
Magbasa nang higit pa

"Ang Magkakambal na Jaakmal", isang maikling kwento tungkol sa terorismo

Ang Magkakambal na Jaakmal Isang araw sa liblib na lugar ng Sulu mayroong isang lider ng terorista na nagngangalang Commander Al-Abar Jaakmal. Siya ay isang nakakasindak, tuso at sakim na lider ng teroristang grupo na Al-Taro. Marami na siyang buhay na nakikitil sa pakikipaglaban, miske sa maliit o sa malaking dahilan. Kabaliktaran nito ang kanyang kakambal na si Al- Sabanur el Kiram al Jaakmal, hindi siya mahilig makipaglaban ngunit siya ay bihasa rito. Sinasabing noong bata pa lamang sila ay si Al-Sabanur ay ang mas pinagtutuunan ng pansin ng kanilang Ama na si Mohammadi Saim al-Jaakmal. Noong bibigyan na ni dating Commander Mohammadi ang kanyang anak na si Al-Sabanur ay bigla itong tinanggihan kaya’t ibinigay ang kapangyarihan kay Al-Abar na hindi masyadong nahalata ng madla ang pinagkaiba ng dalawa dahil parehas silang may kakaibang balbas na patulis, mahaba at malago. Hindi tumagal ay nainggit ng lubos si Al-Sabanur sa kanyang kapatid dahil sa natatangi nitong kapangyarihan,
Magbasa nang higit pa